Blogg

Það var fámennt en góðmennt þennan föstudagseftirmiðdag er við mættum rostungunum í Reyni í þeirra heimabæ. Úr tveimur bílum stigu 7 fílhraustir menn og Emil, okkar njósnari og innanbúðarmaður var sendur þangað fyrr um daginn til að taka út liðið. Hann hafði þó takmarkaðan tíma og tókst bara að reikna út fyrri hálfleikinn eins og átti eftir að koma í ljós.

Byrjunarlið var Benni, Burkni, Einar, Emil og Hlynur.  Á bekknum voru Þórir, Maggi og Óskar.

Það gleymdist að skrá eiginlega leikskýrslu um leik okkar gegn Litháunum í Kennaraháskólanum 21. febrúar.  Leikurinn var reyndar lítið fyrir augað og því lítið til að tala um. Hér fara á eftir helstu staðreyndir.

Þá var komið að lokaleiknum við eina félagið sem við höfum unnið á tímabilinu, Mostra frá Stykkishólmi.  Mæting var með besta móti, en þrettán manns mættu vestur í Hólminn.  Leikinn byrjuðu Hlynur, Viðar, Bjössi, Einar og Burkni.  Á bekknum voru Sigurjón, Emil, Benni, Jón, Oddur og Davíð.  Maggi var einnig á sínum stað, auk þess sem Helgi sýndi lit og þvældist með.

Þá var komið að því að mæta efsta liði riðilsins í annað sinn og óhætt að segja að skorið hafi verið á við góðan handboltaleik.  Ekkert gekk hjá báðum liðum í sókninni og mikið af fráköstum í boði.  Byrjunarlið var Viðar, Bjössi, Einar, Burkni og Þórir.  Á bekknum voru Davíð, Oddur, Hlynur, Sigurjón og Emil.

Annar leikur nýs árs var gegn Reynis-mönnum í Kennaraháskólanum.  Fyrri leikurinn hafði farið miður vel í Sandgerði og tími til kominn að bíta aðeins frá okkur.  Niðurstaðan varð einn af betri leikjum tímabilsins, þar sem liðsandinn og gott samspil héldu okkur inni í jöfnum og skemmtilegum leik til loka.  Byrjunarliðið skipuðu  Þórir, Viðar, Bjössi, Einar og Burkni.  Á bekknum voru Benni, Maggi, Oddur, Sigurjón og Davíð.

Fyrsti leikur KKF Þóris á því herrans ári 2010 var gegn HK á laugardag. Við áttum harma að hefna frá því fyrr á tímabilinu, en við töpuðum gegn þeim í Kennaraháskólanum eftir jafnan og skemmtilegan leik.  10 manns voru klæddir og komnir á ról í Fagralundi.  Byrjunarliðið skipuðu þeir Viðar, Bjössi, Helgi, Oddur og Davíð.  Á bekknum mátti finna Jón, Benna, Einar, Burkna og Emil.  Að auki voru mættir í borgaralegum klæðum Maggi þjálfari, Hlynur og Óskar.

Öðrum hluta þríleiksins um drekann Þóri og landsliðið frá Litháen, með 4-3P-Ó fremstan í flokki, lauk með sigri "heimamanna" í Vogum fyrr í dag.  Að vanda var fyllt út í alla búninga hjá okkur, en í byrjunarliðinu voru þeir Hlynur, Viðar, Helgi, Benni og Bjössi.  Á tréverkinu sátu Jón, Maggi, Einar, Oddur, Burkni, Þórir og Óskar.

Þá var komið að því að hefja aðra umferð í deildinni og af því tilefni voru sveitapiltarnir í Mostra mættir í stórborgina og á heimavöll okkar. Eftir rassskellingu okkar í fjósinu þeirra, þá var augljóst að þeir hyggðu á hefnd.  Toppmæting var í Hagaskóla að þessu sinni en allir búningar voru fullnýttir og því augljóst að nóg yrði að gera hjá kærustu einhvers eftir leik við þrif.  Byrjunarlið var: Oddur, Hlynur, Viðar, Helgi og Bjössi en á bekknum voru Benni, Davíð, Einar, Maggi, Sigurjón, Óskar og Þórir.

Fjórði tapleikur KKF Þóris í röð staðreynd eftir frekar sveiflukenndan leik gegn reynsluboltunum í HK í Kennaraháskólanum í hádeginu á laugardag.  Þar getum við aðeins okkur sjálfum um kennt, en höfum vonandi á sama tíma lært okkar lexíu.  Byrjunarliðið skipuðu þeir Hlynur, Viðar, Helgi, Maggi og Bjössi.  Á bekknum voru Sigurjón, Benni, Einar Valur, Oddur, Þórir og Jón Ívar.

Of margir tapaðir boltar urðu Þórismönnum að falli í Forsetahöllinni á Álftanesi í gærkvöldi, í frekar bragðdaufum leik.  Í byrjunarliðinu voru Hlynur, Viðar, Helgi, Benni og Oddur.  Bekkinn vermdu Sigurjón, Bjössi, Jón Ívar, Einar Valur, Burkni og Óskar.