Blogg

Það var fámennt en góðmennt þennan föstudagseftirmiðdag er við mættum rostungunum í Reyni í þeirra heimabæ. Úr tveimur bílum stigu 7 fílhraustir menn og Emil, okkar njósnari og innanbúðarmaður var sendur þangað fyrr um daginn til að taka út liðið. Hann hafði þó takmarkaðan tíma og tókst bara að reikna út fyrri hálfleikinn eins og átti eftir að koma í ljós.

Byrjunarlið var Benni, Burkni, Einar, Emil og Hlynur.  Á bekknum voru Þórir, Maggi og Óskar.

Einar opnar leikinn og áttum við eftir að ná forystunni þar sem nánast allir komust á blað. Þeir jafna og staðan 16-16 í lok fyrsta.

Annar leikhluti byrjar á körfu frá Benna og þristi frá Emil og við á fljúgandi siglingu. Þeir taka þá ryspu og koma þessu í 27-23. Við söxum á þetta jafnt og þétt og þristur frá Magga kemur þessu í 37-36. Þeir setja á okkur 5 stig en í lok leikhlutans er brotið gróflega á Magga í þriggja og setur hann niður öll vítin. Staðan 42-39 í hálfleik fyrir Reyni.

Seinni hálfleikur byrjar ekki af krafti hjá okkur. Við lendum í tómu basli með vörnina hjá þeim og lendum fljótt 51-41 undir. Tökum við leikhlé þá og endurskipuleggjum okkur. Komum þessu í 55-50 með þristi frá Emil. Þeir setja þó á okkur síðustu 6 stigin og leikmenn Þóris gjörsamlega að missa það. Skapofsahundarnir Þórir og Einar tóku þá hárblásarann á hvorn annan og þurfti öryggisgæslan að stíga menn í sundur! Staðan 61-50.

Fjórði byrjar enn verr og fyllist hratt og vel uppí dálkinn með töpuðum boltum á statt blaðinu. Fyrr en varir er staðan orðin 79-52 og allt ofaní hjá Reynismönnum. Þá var bara að bjarga part af andlitinu og setjum við á þá nokkur stig undir restina. En til að toppa leikinn þá neita fætur Benna að hlýða húsbóndanum og klúðrast tvö opin lay-up í röð og stoðsendingarnar mínar! Lokatölur 87-63.

Þessi leikur var bara hvítt og svart. Fyrri hálfleikur mjög góður, gott jafnvægi í sókninni, stoðsendingar, vörnin fín og tapaðir boltar í lágmarki. Seinni hálfleikur var bara ekki nógu góður og hana nú.

ATHUGASEMD: Þegar leikskýrslan var skoðuð nánar kom í ljós að gleymdist að skrá "and 1" körfuna hans Benna í fyrsta leikhluta. Á leikskýrslu sést bara 1 víti tekið! Því ætti staðan að hafa verið 16-18 fyrir okkur í lok fyrsta. Einnig er síðasta karfa 3ja leikhluta, floaterinn hjá Hlyn ekki skráður. Vantar því 4 stig hjá okkur. Það var ákvörðun okkar Jóns að skrá leikinn 87-67 svo að "stattið" gengi upp. Benni og Hlynur fá því sínar körfur skráðar.